കൊച്ചി: എറണാകുളം ചേന്ദമംഗലത്ത് സ്വതന്ത്ര സ്ഥാനാര്‍ത്ഥിക്ക് കുത്തേറ്റു. ചേന്ദമംഗലത്തെ സ്വതന്ത്ര സ്ഥാനാര്‍ത്ഥിയായ ഫസല്‍ റഹ്‌മാനെയാണ് കുത്തിപരിക്കേല്‍പ്പിച്ചത്. സംഭവത്തില്‍ വടക്കേകര സ്വദേശി മനോജിനെ പൊലീസ് അറസ്റ്റ് ചെയ്തു. മനോജാണ് ഫസലിനെ കുത്തിയത്. മനോജും ഫസലും തമ്മില്‍ നേരത്തെ പ്രശ്‌നങ്ങള്‍ ഉണ്ടായിരുന്നുവെന്ന് പൊലീസ് പറയുന്നു.
സിപിഐഐം ബ്രാഞ്ച് സെക്രട്ടറിയായിരുന്ന ഫൈസല്‍ കഴിഞ്ഞ ഭരണസമിതിയില്‍ പഞ്ചായത്തംഗമായിരുന്നു. സീറ്റ് നിഷേധിച്ചതില്‍ പ്രതിഷേധിച്ച് സ്വതന്ത്രനായി മത്സരിക്കുകയാണ് ഫസല്‍. ഫസലിനെ കഴിഞ്ഞ ദിവസം ഫസലിനെ സിപിഐഐം പുറത്താക്കിയിരുന്നു.
പ്രചരണത്തിനിടെ ഫസലും മനോജും തമ്മില്‍ തര്‍ക്കമുണ്ടായിരുന്നു. പഞ്ചായത്തിനകത്ത് വ്യവസായം തുടങ്ങുന്നതുമായി ബന്ധപ്പെട്ട് ഇരുവരും തമ്മില്‍ നേരത്തെ തന്നെ തര്‍ക്കമുണ്ടായിരുന്നുവെന്നാണ് പൊലീസ് പറയുന്നത്.
കഴിഞ്ഞ ദിവസം ഫസലിനെതിരെ ആരോപണം ഉന്നയിച്ച് മനോജ് ഫേസ്ബുക്ക് പോസ്റ്റിട്ടിരുന്നു. ഇതിന് ശേഷം ഇരുവരും തമ്മില്‍ തര്‍ക്കമുണ്ടായിരുന്നു. പിന്നീടാണ് മനോജ് ഫസലിനെ കുത്തിയത്. മൂന്ന് തവണ മനോജ് ഫസലിനെ കുത്തി.